Kingspan Insulated Panels:

Proffil y Sefydliad

Mae Kingspan Insulated Panels, sy’n rhan o Kingspan Group Plc, yn dylunio ac yn gweithgynhyrchu systemau to, wal a ffasâd wedi’u hinswleiddio ar gyfer y diwydiant adeiladu.

Mae safle Gogledd Cymru Kingspan Insulated Panels yn Nhreffynnon yn cyflogi 422 o bobl ac yn gwasanaethu marchnadoedd ledled Ewrop a rhanbarth Asia-Pasiffig.

Cyflawniadau Amgylcheddol

• Mae ailgylchu yn safle Treffynnon wedi cynyddu 25 tunnell fetrig y mis, yn bennaf oherwydd defnyddio 13 peiriant byrnu ar y safle. Yn ogystal, cynigir cynllun dychwelyd i ailgylchu deunydd pacio gan gleientiaid.
• Mae £14,000 cychwynnol wedi’i arbed drwy arolygon aer cywasgedig, ac amcangyfrifir yr arbedir cyfanswm o £50,000 drwy ostyngiadau ynni.
• Newid fformwleiddiad i graidd inswleiddio sy’n fwy amgylcheddol gadarn a chynaliadwy sydd wedi galluogi Kingspan i gyflawni gradd ‘A’ Canllaw Gwyrdd drwy wiriad annibynnol gan BRE (y Sefydliad Ymchwil Adeiladu).